一般大行報告，只會告訴投資者「追揸沽」策略和「目標價」，很少同你講整個故事背後的來龍去脈。梁裕昌算是有心人，在投資建議之外，他會尋根究底研究有趣現象，如他最近就分析香港零售旺區、小商戶絕迹的情況。
梁裕昌以每平方米可賺利潤計算，發現賺錢能力最低的是茶餐廳，和珠寶店的差距，高達100倍。「所以你可以想像，賣金嘅隨時可以出得起多幾十倍租金，趕走茶餐廳，都游刃有餘。」梁裕昌說。
「香港零售一向以多元、有活力見稱，但現時銅鑼灣一街都只係得表舖、珠寶店和名牌，其他小商戶迫走晒，自己行街見到，都覺得唔可以再係咁，已經無晒特色。」梁裕昌相信，香港的零售泡沫，很大機會無法持續：「但幾時會爆，我唔知。我只可以講今年我哋係好擔心。」
梁裕昌表示，深圳、廣州開放本地居民多次往返簽證（multi-entryvisa），已踏入第3年，相信有關效應會開始顯著消退；而內地亦有機會調低銷售稅，或會對香港零售造成影響。