《人物專訪》曾以一份報告而與利豐（494）隔空駁火的瑞銀消費股分析員梁裕昌，近年出位之作唔少：如寫李寧（2331）或有高層大逃亡；去年中率先唱淡零售股銷售放緩等。梁近日接受本報訪問時稱，他已無半年前咁淡：「依家趁低吸可能賺到一轉，但我唔敢肯定rebound（反彈）定reverse（轉勢）。記者：吳綺慧
在業界被形容為「反叛」的梁裕昌，因破天荒與利豐筆戰而成名。他多次強調自己無意出位，純粹怕悶：「想做多啲唔同嘅嘢，唔好吓吓寫銷售數字咁悶。」他近日「新作」，是一份近50頁的研究報告，顯示各零售板塊的銷售效率，又分析香港地產霸權如何迫走小商戶。
估值已跌至合理水平
記者一看報告封面，是「溫莎皇宮酒店」和「大城市夜總會」的霓虹燈招牌照片，嚇了一跳。梁裕昌輕鬆解畫：「原本想用銅鑼灣一間表行做封面，但因為影到公司名俾人banned咗。咁我揀呢張啦，一定無事。」
梁裕昌向來偏淡，他去年中已指出內地消費增長會放緩，結果在11月靈驗。消費股近月來累跌不少，梁裕昌稱自己現時已「無咁悲觀」，畢竟估值已屆合理水平，現價買入或可捕捉一輪升勢，但是「短期反彈」或是「真正轉勢」，梁裕昌仍覺得「好難講」。
「去年中講緊增長見頂，無人會信。因為你落去百貨公司，仲見到人山人海，大家好易被固有既印象呃咗。但其實大部份百貨公司、服飾、體育股等，每一平米所做到既生意已經跌緊，即係有過度擴張的風險，一有風吹草動，好容易就會冧。」投資者認為內需股「穩陣」，是覺得它們幾差，生意都會有少少增長，對此梁裕昌並不認同：「點解內需股銷售唔可以跌？以前內地GDP增長是9%，即使周期回落，你都仲見到同店銷售有幾個巴仙升幅；但今年GDP會減慢，零售隨時有幾個月見到負數都唔出奇。」
首選買歐舒丹及中升
梁裕昌對今年內需股前景仍然審慎，尤其是體育股：「有啲本土品牌的分銷商，已經蝕咗2年，如果你係佢，你會點？不如執咗舖去做其他生意啦！我估今年會有幾大規模的關店潮。」梁相信今次汰弱留強，會有品牌就此永不翻身。「只有主動拆彈、減少定單的公司，有機會係呢場清貨戰中生存。」
瑞銀今年較看好的股份，主要是汽車分銷及化妝品零售股，皆因兩者的利潤率都有上升趨勢。其中瑞銀首選是歐舒丹（973）及中升（881），最睇淡股份為李寧（2331）及百盛（3368）。