這邊廂名店人頭湧湧，那邊廂排檔生意慘淡。旺角花園街去年11月底發生大火後，政府嚴厲執法打擊違規排檔，檔主大呻生意比上個農曆新年減半，新年只是「一般快樂」，更擔心初一至初三公眾假期過後食環署就會再次出動檢控，「我哋今年過唔到肥年」。
年廿八被迫11時收檔
昨有不少花園街排檔檔主均表示，檔口面積縮小，未能擺放太多貨物，市民逗留檔口的時間相應減少，生意額下跌一半。開生果檔30多年的強哥表示，大火後當局限制花園街營業時間朝6晚11，令檔主失去晚上11時後的黃金機會，「好似年廿八咁，夜晚仲有好多人，但係食環就落嚟要我哋11點收檔」，欠缺彈性之餘，亦欠缺人情味。他說今個農曆新年生意減半，「新年願望？我都唔望新年快樂，今年一般快樂，生意做起上嚟冇咁順」。
賣玉器及金像10年的檔主曾先生怒斥當局執法過嚴，「又話（檔口）唔畀過界，又要我哋使幾萬蚊改裝個頂（簷篷），改完又話唔合格，乜都係佢哋講晒」。
曾先生說今年生意難做，上個農曆新年賺二萬多元，今年盈利減半，「年初四（食環署）寫字樓啲人返晒工，又會成隊操兵咁落嚟」。《蘋果》記者