禮拜日阿仙奴對曼聯嘅比賽，領隊雲格喺追平後調走表現大勇嘅阿歷士張伯倫，換入雪到硬嘅艾沙維，鏡頭影到隊長尹佩斯（圖）喺換人嗰陣大叫NO。不論誰對誰錯，最後阿仙奴都輸咗波。有傳尹佩斯好不滿雲格呢個換人，賽後仲同恩師大吵一場，但佢即刻澄清：「我同領隊以及球會嘅關係都好好。我們之間冇問題，冇衝突，冇矛盾。」