城南一和陣內南韓現役國腳不多，但職員團內有一張球迷相當熟識嘅面孔，佢就係前南韓國腳金度勳（圖）。呢位曾代表過南韓70次嘅前鋒，曾經踢過日聯神戶勝利船，之後回歸韓職，05年喺城南掛靴之後，就留隊做埋副領隊。雖然名義上係副領隊，實際工作包括帶操，不過佢噚日操練時一時技癢踢咗幾腳，依然有功架。