重賞之下果然有勇夫。禮拜六晚非國盃揭幕戰東道主赤道幾內亞（圖）以1:0擊敗牌面高少少嘅利比亞，唔知同賽前足總方面承諾贏波會畀100萬美元（約780萬美元）獎金有冇關。不過場波發生咗唔愉快事件，事緣有班球迷嫌等入場關檢太耐，強行入閘，要勞動到在場警察發放催淚彈去控制場面。同日A組另一場波更爆大冷，被視為今屆奪標熱門之一嘅塞內加爾，第一場就1:2輸畀贊比亞。