墨西哥有位叫洛迪古斯(左)嘅球證唔知貪方便定博出位,喺上月當地聯賽,堤格雷斯對山度士嘅總決賽次回合賽事度,有紅牌唔出,偏偏左一張右一張咁,一次過拎兩面黃牌出嚟趕一位堤格雷斯球員出場。墨西哥足總認為球證對球員單次犯規只可出示一張牌,一次兩張即重複判罰,有違守則,因為咁判呢位判官停賽5場。