鄭欣宜噚日同胡鴻鈞喺荃灣出席新春活動，除咗玩遊戲，仲唱埋賀年歌，氣氛都唔錯！今日係大年初一，欣宜話可能會去鄭少秋屋企拜年。問佢帶唔帶男朋友一齊去？佢話可能都會，禮貌上係要咁做，認真孝順。講到羅孝勇背住女友林欣彤偷偷約落選亞姐羅昊昕撐枱腳，同林欣彤係好朋友嘅胡鴻鈞話可能係羅孝勇音樂上嘅朋友，佢會向對方了解吓！