洪金梅（祥嫂）昨日接受商台錄音訪問，最近她將新馬師曾作品寄往日本錄製，再次推出唱片，第一批推出的唱片有三隻，包括《萬惡淫為首》、《光緒皇夜祭珍妃》及《客途秋恨》。祥嫂透露擺放在家的母帶因潮濕，要送到日本修復。
祥嫂又提及與祥哥相處多年的點滴：「我當年一心照顧個老公，係想得到佢讚賞，因為我係第四任祥嫂，怕做得唔好會有第五、第六任，當年我絕對係疏忽咗啲兒女，而我最大成功感係勸到祥哥戒賭。」
祥哥離世後祥嫂與兒女反目，幾年前她才與子女修好：「幾年前小艾有一晚打畀我話好掛住我，等咁多年我都係等呢日，初時大家見番都有防範，但始終係一家人，我都提醒自己以後唔可以咁計較同執着。」此時祥嫂邊講邊哭，主持亦透露小艾也在場為母親打點。
撰文：李珮洳