南華前晚安排幾支外隊及足總高層出席歡迎宴（圖），據羅生噚日喺部落透露，踢埋今次賽事就掛靴嘅基士文主動提出要求出席，又主動同幾支外隊高層social。其實都好正常，因為文仔已經開咗間足球經理人公司，而佢亦都講明會介紹歐亞球員去唔同地方落班；今次返嚟香港，另一目的係識多啲球會領導，方便日後做生意，主動出擊絕對正常。