大年初一，先祝願大家財源廣進龍咁威！新年頭炮係資本策略（497）。資策喺投資界高手鍾楚義入主後，資產及業績越嚟越靚仔。好似上年年尾發佈2012年半年度成績表，純利升咗近11倍到13億銀，兼且主要反映物業交易收成，無水份。
資策家陣市值有幾多？18億銀咁大把。就當下半年度再無進賬，資策全年度都肯定大豐收，PE得1倍幾單位數。又啱新春假前，旗下藍塘道豪宅TheHampton一個複式戶，以1.7億銀成交，資策應該繼續肥仔水。又舵主鍾生，呢期計劃收購部份股份，作價每股0.255元，真金白銀投資策信心一票，而現價仲係潛緊水。買資策博翻半番到0.34元，只係高出鍾生作價33%，NAV折讓50%，仍然抵買。
丹楓冷吼有得諗
丹楓（271）最新每股NAV2.8元，現價（0.57元）大幅折讓80%，而集團手頭揸住投資物業，係南區豪宅紅山半島，夠晒秤吓？丹楓咁大折讓，流晒口水。又新春假前，資金輪流炒作，唔少近磅港資磚頭股異動，丹楓未郁過，搞落後，有得諗。呢轉冷吼丹楓，NAV折讓係咁易收窄番到70%，集團現價都要升50%，見0.84元。
錢雋