周秀娜過去兩年拋胸賣肉，成功上位脫貧，過去半年，她大部份時間都在內地拍劇賺人仔，踏入龍年，娜姐希望圓買樓夢。她有見樓巿近月回落，所以讓父母開始四出睇樓，她吼準西半山的豪宅，準備待樓價合理時，馬上出擊。
周秀娜近日在內地拍劇，無暇返港，日前趁農曆新年前即回港買定新衫，打算過年穿紅衣𢭃利是，她在時裝店中左挑右選，火速看中胸前紅色大deepV短裙，中門大開迎龍年。真空娜姐不介意大晒八字波，她說：「着得靚就得。」她深信新年時把自己打扮得似一個利是封，會帶來全年好運。
預告賺千萬
娜姐自彈出後不停吸金，手上已儲好買樓首期，隨時可以上車做業主，她說：「我睇準樓巿過咗年會再跌少少，所以我家已叫定阿爸阿媽得閒去睇定樓，我買樓主要係想佢哋舒服啲，佢哋啱心水，我就扑槌。」龍年除有意榮升業主外，娜姐還希望荷包有千萬進帳，她說：「錢梗係越賺得多越好，我希望明年最少可以賺千萬。」
任男友偷食
有了知名度北上賺人仔，娜姐可擔心跟男友Avis聚少離多情變，始終男友有偷嗒傅穎前科，娜姐說：「唔擔心得咁多，家周街都有記者，佢哋係我最好監察員，我唔會抗拒男友約會異性，我喺北京都好受歡迎。」
採訪：比華利
攝影：仇志德
服裝、場地：Vmeet