除左奇雲保定養緊傷之外，陣內另一位巴西箭頭「鴨仔」柏圖（右），近排都加入埋十字軍名單當中，AC官網證實柏圖將因傷要缺陣一個月時間。球隊前線已經有「壞孩子」卡斯辛奴因病長唞，家柏圖又傷埋，AC攻力令人擔憂。另外，柏圖日前就拎咗個意甲金貘獎，呢個獎係頒畀上年最失意嘅意甲球員；睇「鴨仔」得獎之後，面上都係得「無奈」兩隻字。