曾受先天性膽管閉塞折磨而急需換肝續命的男嬰虞風（風風)，快將10個月大，昨日年廿八，風風終於可離開深切治療部，轉到隔離病房觀察，意味着一切穩定。看着風風精靈笑臉重現，其父母笑了，計劃幫愛兒剪個靚髮過個靚年。虞母微笑說﹕「去舊迎新嘛，舊年咁多唔好嘅嘢過晒啦，今年一家人一定順順利利，健健康康。」
醫院過新春
懷着母親捐出的一片肝臟將近一個月，風風雖然要在醫院過新春，但他換肝手術成功，已是父母最好的新年禮物。虞母坦言﹕「邊個父母都會救自己骨肉，我唔係乜嘢偉大媽媽。」回想手術前後，虞太坦言如坐人生過山車：「其實爸爸定係我捐都冇所謂，但知道爸爸唔捐得嗰陣真係好驚，萬一我都唔得就冇晒希望。」幸希望總在眼前。
「到我清醒番，已經係4、5日後嘅事，雖然我支持唔到細佬，但我知佢一定好叻仔，仲叻過我！」虞母續說，風風小小年紀，已受盡疾病及手術之苦，兩夫妻難免心如刀割，但隨着風風漸漸康復，不時在病房內大吵大嚷鬧肚餓，兩人都開朗起來，覺得之前的辛苦也是超值的。