【本報訊】10元團年飯，有雞又有菜。浸信會愛羣社會服務處舉行「$10團年飯」活動，鹹蛋肉餅飯、豬扒炸蝦飯，每個晚飯只售10元，更加餸豉油雞、蠔油冬菇、水果，讓低收入人士齊齊團年。本打算食即食麪當團年飯的「N無人士」指政府無心滅貧：「唐英年餐餐飯可能成千蚊，點會知佢一餐飯已經係我哋窮人一個月伙食？」
住劏房的黃女士做散工多年，近月收入只有2,000多元，靠積蓄及借錢度日，「如果唔係因為呢度有10蚊飯，團年飯都係煮個麪，最多加隻雞髀」。她說政府不體恤低下階層，「我連稅都未夠資格交，退稅我都冇受惠」，又指餐餐大魚大肉的下屆特首候選人唐英年未能體察民情，「希望下屆政府會派錢」。
中二生Jason說，父親七年前失業，一家三口沒有穩定收入，母親兼職月入僅2,000多元，只靠積蓄過活，「生活好艱難，有時好羨慕同學放假去旅行，我連飛機都未搭過，同學打遊戲機我都冇得打，分享唔到樂趣，都有啲唔開心」。他希望將來成為設計師，憑創意改善窮人生活環境。
愛羣服務處供應
浸信會愛羣社會服務處服務協調主任趙漢文表示，服務處逢周一至周五於灣仔、深水埗、葵涌，向低收入及失業人士提供價廉物美「10蚊飯」，希望他們吃得飽之餘亦吃得有尊嚴。