今天是兔年最後一日，作為中國人我也湊熱鬧先來作一個兔年總結，再來一個龍年展望。
兔年最叫我傷心的事，大抵是在我有生之年竟然親眼目擊阿仙奴創會126年以來，近58年開季最差成績。58年前我未出世也未愛上足球，未死心塌地支持阿仙奴，以前不會明白那種感受，到親歷其境，原來那種難過只是稍微好過喪親和失戀，沒有午夜夢迴，淚濕枕頭，卻也一樣令我情緒低落，茶飯不思，睡不安寢。但作為一個終生制的「粉絲」，只好當作人生磨練，學習逆境自強！
稍能平復的是迪祖高域震驚世界的強勢表現，和李娜在法網的成績都叫我睇到眉飛色舞。一級方程式進入了維特爾年代仍無減趣味。睇住大帝勒邦占士地動山搖式加盟熱火，仍無法取得他恨到流口水的冠軍指環，叫我笑了出聲！難得的是我還未看厭林丹對李宗偉這個戲碼！
踏入龍年，先有歐洲國家盃後有倫敦奧運。計過時間，睇完歐國盃唞一陣，儲足精力再戰倫奧，想想都興奮莫名。眾所周知，以國家隊論，香港只是我心目中的B隊，中國是C隊，英格蘭才是我心目中的國家A隊，但在國際賽上，我是荷蘭及西班牙的擁躉，今年卻會支持德國。
最叫我關注的倫奧項目，現時因為有香港體操隊成員取得入場券，希望到時能在轉播為他們打氣。原本一心一意要睇，肯定半夜都要撐起身支持的，其實只有兩項，天字第一號心水賽事，當然是睇劉翔如何王子復仇，我鍾意睇人喺邊度跌低，喺邊度企番起身。
第二項係跳水，我真係好想目睹英國神童戴利可以借助主場之利，把金牌從中國隊手上搶過來，把中國跳水隊氣得吹鬚碌眼，噢！至此我不得不承認，我是香港狗！
文：盧覓雪