苗僑偉、吳卓羲（Ron）、鍾嘉欣、陳自瑤、梁烈唯和黃智雯等昨在新都城中心為新劇《缺宅男女》宣傳，眾人在台上玩遊戲，不准用手傳送金元寶，還送出金龍，最後由旺到爆的大肚婆陳自瑤得到，而陳自瑤亦承認老公王浩信買了架新房車方便日後接送她和BB。
籲粉絲勿偏激
Ron女友張馨予再被翻舊帳，她過去爛蒲爛玩、食煙兼被仔揸胸的相在網上流傳，昨日Ron力撐女友說：「批舊相一早就有，知道之後有向佢了解過，每個人都有過去，如果要介意，咁我媽咪咪要介意埋我嘅過去？我細個都好壞，入行後知道要向前看，要睇工作表現，唔好拎啲舊嘢出嚟。」
有指張馨予的舊相是由Ron的粉絲發放，問Ron會否勸粉絲接受女友，他說：「知道fans關心我，但唔好太偏激。」Ron直言未見過張馨予的食煙相，但仍維護對方說：「細個時影嘅，小朋友亂玩。」他又說因拍劇未有看女友有份演的《2012我愛HK喜上加囍》。
另外，《缺》劇上周最高有33點收視，嘉欣指周二、三的劇情更緊湊，她說：「會講我同卓羲、謝天華嘅三角關係，有啲擔心新年假會影響收視，好彩仲有myTV。」
採訪：胡比 攝影：陳順禎
