【記者黃偉駿報道】台灣總統大選上周落幕，一條《香港不高興》短片隨即在網上廣傳，引起沒有普選的港人共鳴。短片製作人涂霆駿（圖）是居台港人，他說港人有很多不高興的理由，「D&G唔俾香港人影相、雙非孕婦湧嚟香港生仔，究竟政府為我哋做過乜？」歸根究底，「我哋都唔係老闆，點解要尊重我哋？」
台灣大選感受深
《香港不高興》是涂霆駿本月中陪伴女友家人觀選時，無心插柳攝製的短片。他自言不熱衷政治，過往在港不會投票。但首次在台灣觀選，令他感受甚深，「點解人哋選總統可以咁感動，千幾萬人出嚟投票？但香港選特首，你同我都冇份？」便將過程拍攝記錄下來，製成短片在大選後放上網，旋即引起港、台網民迴響，「我好驚訝網上反應，香港、台灣都有網民同我講，睇完想喊。」
31歲的涂霆駿出身電影業，一年前到台灣創業，從事婚紗拍攝及製作短片廣告等。每次返港，都感到香港人越來越不高興，「我喺網上睇到有人整理咗數據，話雙非孕婦嘅數目就快多過本港孕婦。點解呢啲咁重要嘅訊息，政府冇人話過俾我哋市民知？究竟政府有冇為我哋發過聲，我諗香港人唔開心係有原因。」
涂認為，台灣總統大選有七成多超高投票率，本港只得三成多，某程度反映了港人覺得手上一票無關痛癢，「最重要嘅特首選舉，我哋都冇份投票，來來去去只係得1,200人，我哋其他幾百萬市民，喺高官眼中好似一堆冇乜意思嘅數字。」
《香港不高興》短片（ http://www.youtube.com/watch?v=fxfSI3EPcjw）