曾先後喺愛華頓同格拉斯哥流浪打江山嘅蘇格蘭老將華亞（左），日前正式宣佈提早解約離開格流。其實呢位鐵衞今年已經41歲，真係好難想像佢咁嘅年紀，仲可以喺足球場上馳騁。不過華亞就表示：「我喺格流度過咗5年時間，好開心教練依然肯畀機會我落場。雖然經已離開咗球隊，不過我其實仲想踢多年。」有指華亞有可能重返英格蘭嘅小球會繼續佢嘅足球生涯。