張智霖（Chilam）和導演葉念琛前晚在維園為網上電台擔任嘉賓，Chilam表示每年都喬裝與家人行花市：「我會戴晒口罩，唔想俾人認出騷擾他人，以前試過跛住隻腳都搬盆桔返屋企，諗番都好傻，家只會買啲輕巧嘢，覺得每年行吓花市，嗰年都會順利啲。」他透露已入紙申請在紅館開演唱會：「如果2012唔係世界末日，我就有機會再喺今年年尾或明年初開演唱會。」
拒買桃花
另外，陳嘉桓和媽媽行花市路過，嘉桓表示不是有心踩場，問到人多地方會否有陰影？她說：「冇，好多小妹妹見到我都為我打氣，新一年唔再諗，人要向前望。」她表示不會買桃花返屋企，怕被小狗抓爛。
採訪、攝影：何慧斯