法林明高拖欠朗拿甸奴(圖)人工單嘢仲未圓滿解決,又再有麻煩事。話說細哨啱啱歸隊進行集訓,但係寂寞難耐,偷偷哋違反會規,喺夜晚帶咗個女仔返酒店,好衰唔衰拖女入電梯時,同教練盧森貝高撞到正。一向紀律嚴明嘅盧森貝高本身同細哨都有心病,今次即刻向球會主席提出要嚴重處分同佢解約。不過主席冇即刻應承,唔知係因為覺得隊波要靠細哨,定係根本冇錢同佢解約呢。