啱啱結婚嘅李思欣同范振鋒，噚日喺土瓜灣出席汽車品牌活動，大會送咗架值16萬8嘅新車畀佢哋做新婚禮物。農曆新年就快到，思欣話已經封好晒利是，佢話：「差唔多用咗5位數，好多人問我哋點解唔過完年先結婚，因為除咗好日之外，我哋仲好想派利是畀大家，至於生唔生龍B就隨緣。」思欣仲話家多咗人搵佢哋夫妻檔出席活動喎。