【本報訊】儘管本港通脹回穩，內地輸港食材價格下調，惟大型連鎖快餐店大家樂急不及待在龍年前夕「蠱惑」加價，周四起將原本連熱飲的「套餐」，改為「單售」食品，定價維持不變，配飲品則另加5元，變相加價達13.5%。
熟客寧光顧麥當勞
廖先生每天放工後經常光顧海富中心大家樂的晚巿套餐，揚州炒飯或干炒牛河等配熱飲，套餐價37元，「我呢個禮拜三（18）日先食完個套餐；翌晚再食，啲套餐要另加5蚊先有嘢飲，即係42蚊食個套餐，完全唔可以接受，我走咗去隔籬食麥當勞，20蚊搞掂。」
記者昨以顧客身份致電海富中心大家樂查詢，對方承認周四起取消「包飲品」的套餐，顧客需另加5元才有熱飲，記者：「咁樣係咪變相加價？」職員：「咁都算係嘅。」
餐飲聯業協會會長黃家和表示，今年通脹穩定，內地輸港食材下調，大家樂在內地設中央工場，控制成本能力應該較中小型食肆強，加價壓力會較小，若仍加價，「巿民需求大，佢咪可以加價。」