耶耶托尼（圖）加盟曼城後成為藍月亮嘅絕對主力，人紅咗就難免會有人打主意借佢個名搵着數。最近英國有條友仔，扮係耶耶托尼嘅經理人，用呢個名義搵咗間盧森堡嘅賣酒代理，「柯打」咗30樽價值成22,000鎊（約26.4萬港元）嘅陳年佳釀，話係用喺一個球員派對上。唔知係咪嗰間代理有睇警訊，查一查呢位補藥黨成員提供嘅銀行戶口資料，即刻知咩事，冇畀人呃。