唔少人歲晚趕收爐，《蘋果》年中無休，當然也無阻彼邦英超大戰殺埋身嘅氣氛。回復一周一賽，料戰情會更精采；要求正路賽果卻未必事成，無論邊位相士批都好，相信今屆英超都係七國咁亂格。今次目標放在明日（年廿九）兩場重量級戲碼，捧同屬北倫敦嘅3、5哥贏曼市1、2哥；不單主觀求顛覆曼市王朝，只認為亂世英超，賠率至上。
阿仙奴官網近月推出一系列世界各地球迷在球會場外，現身說法談兵工廠嘅免費短片，今集主角係一位自小植根香港、疑似印籍人士叫Gill。「嬌哥」話佢最著迷伯金魔術般嘅球技，捧咗兵工廠十幾年，球會高低起跌仍然熱情不減，只一直supporting；睇落佢個樣廿幾三十歲人，有幸初到倫敦撐場，只因紅魔躉嘅親兄弟送贈聖誕禮物就係阿仙奴門票，二人同行赴英也證敵我非分明，當然可能係兩兄弟唔係明日，先入阿聯酋球場睇「阿曼大戰」。
很多人仍然力撐如「嬌兄」，只因所愛球會曾為擁躉帶來無限歡樂，失望卻係球會管理層頑固及保守，老主席希活近日大談來屆若歷史性不入歐聯也非災難、主帥雲格堅拒本月買人去挽救傷兵潮。今場踏入龍年嘅大戰要盲目support兵工廠，也要尋找一定嘅變數供大家參考。
首先賠率上極少見曼聯作客阿仙奴開出低水，何況今季曼聯也非可靠分子。而場上變數係主隊或有極重要嘅華美倫及大腦阿迪達復出，缺華美倫，前仗喺富咸被炸死，缺阿迪達，上仗被同路嘅史雲斯搓死，但死敵當前兼首循環大敗之辱歷歷在目，明戰料有不同表現，主場必先撐[+1]及平手盤。
雲格或許如英國《太陽報》評論在球會到了末日，但香港特首選舉，「豬」暫壓「狼」外，屬豬者如熱刺主帥哈利列納，龍年卻被眾香港堪輿學家評為大旺。同屬北倫敦嘅熱刺自季初連負曼市雙雄後，勁勢不停，5個半月來，僅敗走過史篤城；今作客碰巧氣勢自開季以來最弱、缺少不少主將嘅「1哥」曼城，用穩守突擊，曼城未許安枕。追趕榜首決心巨大，4倍W望明晚當收壓歲錢，謹祝各位波運亨通。
下次見報日期（28/01）
蘋果波神
今日重心推介
熱選
阿仙奴勝[+1]（1.47）
冷選
熱刺勝（4）