李丞責同麥玲玲噚日喺將軍澳出席活動，雖然佢兩個曾經傳不和，但係噚日依然有講有笑，兩個仲話唔會尷尬，平時工作上都會成日見面，李丞責話：「傳不和之後都有見過面，大家做嘢係唔同風格、唔同方向發展，私底下都係朋友，會打招呼，食飯就要睇時間。」問到會唔會同女友劉倩婷拉埋天窗，李丞責就話唔會咁快，過多兩三年先。