李寧賣股予TPG，投資者明顯相當受落，全因TPG近年入股的零售公司，皆有能力令其「醜女大翻身」。
TPG09年投資的達芺妮（210）和物美（1025），入股後2年多股價分別勁升55%及48%，跑贏同期大市。
達芺妮業績大改善
達芺妮更為投資界津津樂道。事關TPG在09年5月入股前，達芺妮管理質素一直遭基金界批評。TPG當年斥10億元購買達芺妮CB和認股權，並派員進董事局，經過1年多的調整，公司業績大幅改善，去年全面獲市場重估（re-rated），淡市中成為零售股的升幅王。
今次TPG看中李寧，有分析員坦言：「佢哋做過晒Due-D（盡職審查），結論居然係仲有得搞，咁應該有幾大把握，起碼唔使死。」
不過，有私募基金界人士指出，業界近年真是「求Deal若渴」，TPG入股亦未必真的覺得李寧「大有可為」：「睇條款今次係筍TPG，CB唔換股每年都收4厘息，TPG搞唔掂都無咩損失。而且做brand畢竟唔係TPG擅長，我覺得要睇定啲。」