「（興建村屋）賺兩成都畀人笑，我仲要倒貼！」受千夫所指的黎兆偉與屋苑業主交惡之外，又與附近田寮村村民鬧翻，他向記者大吐苦水，指發展君逸軒要倒蝕500萬元，更惹來官司纏身。
在屯門藍地長大的黎兆偉為工程師，曾加入政府工作，至93年離開政府自立門戶。根據公司註冊處紀錄，金源房地產本由黎兆偉夫婦共同持有，去年2月轉手其80多歲母親名下，現時他是三間公司的董事，他又先後為新界六個鄉事委員會擔任顧問。
整個項目蝕500萬元
對於是次風波，黎多次強調自己是受害人，數度眼泛淚光說：「我唔離開政府，就唔使搞到咁凄凉」。他形容自己發展君逸軒初期花費大量金錢「買路通關」，整個項目總投資5,000多萬元，最終蝕500萬元。
君逸軒是黎兆偉首個發展的大型項目，有行內人士指他經常「講過唔算數」，與不少人有錢銀瓜葛，97年亦曾因生意糾紛遇襲。記者問黎兆偉現時可有欠債，他只說：「賣晒啲家當，搞到咁你開唔開心？好彩老婆係公務員，可以吊住鹽水，而家咪幫人畫圖揼石仔囉！」