梁營昨日大打「開口牌」，暗示不只得到中央「開綠燈」入閘選特首，甚至可以接受梁振英做特首。有政界中人形容梁營今次目的，無非是要粉碎唐營四出宣傳的「欽點論」，「只要令選委覺得中央容許唐、梁自由搏擊，梁振英就有信心壓倒唐英年。」
政界轟羅范為梁造勢
該政界人士指出，梁振英在今次選戰中最大障礙，是唐營不斷說唐英年已獲中央「欽點」做下屆特首，梁振英極其量只可以「陪跑」，「好多選委係唔會提名只可以陪跑嘅人，更加唔敢唔投中央欽點嘅候選人一票」。
但梁營高調引述中央可以接受梁振英做下屆特首，變相粉碎所謂中央「欽點論」，令梁可以取得足夠提名入閘選特首之餘，更令梁、唐可以在同一起跑線比拼，「梁振英家同唐英年地位係一樣，咁樣選委就有唔同選擇，支持梁振英都唔怕得罪中央、梁振英就有機會贏。」
也有政界人士指出，羅范椒芬刻意用港區人大身份，藉披露全國人大常委會副委員長李建國講話為梁振英造勢，政治上十分有問題，會令市民覺得她想邀請中央干預特首選舉。《蘋果》記者