曾經同鄭融、鍾欣桐（阿嬌）傳緋聞嘅音樂人莊冬昕，rap得一手被封港版Eminem，主力做幕後創作，為鄭融、林峯、陳偉霆等作曲，不過舊年佢加盟NewayStar，以藝名Deal做歌手。
林峯首劣評如潮嘅《勁歌》金曲金獎《Chok》，就係出自莊冬昕手，嗰時佢見網民鬧爆林峯，做出多個惡搞版本，即時喺微博單挑網友，下戰書話陸續有來。
拍短片被罵賤男
近日莊冬昕自身難保，佢首新歌《食軟雪糕》俾網民封為年度膠歌，呢首由佢作曲、聯同黃厚霖填詞嘅新歌熱爆YouTube，無論唱功、歌詞都令人「驚喜」十足，全首歌充斥住叫「食軟雪糕」，令人爆頭。馮仁昭聽完都覺得好難頂，唔怪得網友踩到體無完膚，高登友已經改咗搞鬼歌詞「劈到佢收口返屋企搵老母」，不過莊冬昕喺微博度反擊話得知有97%人唔鍾意首歌後，即封自己為：「I'mdakingofdislikes…!!!…HATEMEbit_hes!!!」
另外，日前莊冬昕同周秀娜師妹袁聖殷喺天后拍葉念琛短片，戲份話佢被惡搞，仲俾人喺街度貼滿「賤男」、「三分鐘男人」等大頭貼。