【蘋果專訪】一度被視為下屆政務司司長熱門人選的發展局局長林鄭月娥，接受本報專訪被問到留任政府與否時，表明「差唔多夠鐘」，暗示不效力下屆政府。對於特首參選人唐英年近日連番批評市建局建貴樓、丁屋「所謂僭建」言論，都是衝着其政策範圍而來，一向「好打得」的她只說：「公道自在人心。」記者：梁德倫、譚靜雯
任期尚餘五個多月的林鄭月娥是民望最高的問責局長，對於會否留任下屆政府，她初時以為免引起揣測為由，不肯評論，但當記者追問，她即輕描淡寫的說：「差唔多夠鐘啦！」下屆特首熱門人選唐英年近日批評市建局建貴樓，又指處理丁屋僭建問題應「以和為貴」，都屬其政策範圍，且明顯與政府取態不同。對此林鄭月娥在訪問中一概不肯直接回應，只說「我呢排好惹火呀」。
回應唐言論：公道自在人心
對於市建局日後角色，她又笑言：「佢（指唐英年）就嚟搞到我乜都唔可以講，唔好講啦！」記者一再追問，她則以「公道自在人心」回應，又稱不會為這些言論憤怒，「我好開心、好輕鬆、完全冇壓力」。
談到問責制，林鄭月娥坦言上任之初已有下台的心理準備，由公務員轉做局長，需要投入問責制度才能大膽創新，「如果判斷有偏差，一定會選擇落台，唔會戀棧。要為自己判斷負責，保持問責制度完整性，否則將成個制度拖垮。一個人行開好容易，如果唔係影響深遠」。
不過，她不諱言，今時今日要推出有創意的政策不容易，「今日嘅政治環境要唔因循，大膽創新思維非常困難，特別以我咁嘅性格，我唔係講晦氣說話，做公職只有罰冇賞」。她說：「想創新即係之前未試過，無論考慮有幾周詳，鋪排幾妥當，都有不如人意嘅風險。今日咁嘅環境，判斷落差、考慮唔周詳都會惹來批評，而且會俾人放大，有好大阻力，尋求突破要有好大嘅意志同決心。」
退休生活「會多啲陪囝囝」
林鄭月娥認為，發展局的政策延續性問題應該不大，因有龐大的公務員團隊執行，但日後有否創新政策，她說「好難講」。但她希望發展局的架構不變，「規劃、地政、工務工程，加上文物保育，一系列做晒。如果唔係，就好似甲局有一個燙手山芋要處理歷史建築保育，乙局就要幫我搵土地解決，唔係好理想。但家放埋一齊就好理想，最好例子就係景賢里。第時發展局叫咩名唔重要，只要功能放埋一齊就有優勢」。
對於退休後生活，她自言是沒有特別嗜好的人，退休後投入知識世界或許是最佳選擇，也會將時間放在陪伴家人，「大家都知我係家庭第一，會多啲時間陪兩個喺英國讀書嘅囝囝」，官場鐵娘子也有柔情一面。
回顧公職生涯，林鄭月娥難忘兩次金融風暴和沙士疫潮，尤其是98年香港遇上金融風暴，時任庫務局副局長（回歸前為副庫務司）的她協助當時的財爺曾蔭權制訂預算案，未料經濟急轉直下，6月即要推出紓困措施，「好似另一份預算案咁，高官公僕凍薪減薪、寬免差餉等，最後都幫到市民，真係好開心」。
林鄭月娥簡歷
年齡：54歲
家庭：已婚，育有兩子
仕途：
‧1980年加入政務職系（AO）
‧1996年出任副庫務司
‧2000年8月至2003年10月出任社會福利署署長
‧2003年11月至2004年5月出任房屋及規劃地政局常任秘書長（規劃及地政）
‧2004年9月至2006年3月出任香港駐倫敦經濟貿易辦事處處長
‧2006年3月至2007年6月任民政事務局常任秘書長
‧2007年至今任發展局局長
資料來源：《蘋果》資料室