【本報訊】「全部都係兩秒間發生，睇住個人跣住飛入車底！」大埔汀角路昨晨發生嚴重車禍，62歲男途人捐車罅橫過馬路時，慘遭一間餅店密斗貨車撞倒。男途人拋飛6米，剛好插入一輛私家車車底重創。現場最少6名好司機好乘客見義勇為，合力抬起私家車救人，傷者情況危殆。
現場為大埔下坑村對開汀角路新界方向行車線。昨晨8時許，餅店輕型密斗貨車，由姓陳司機（35歲）駕駛，沿快線駛至上址預備右轉返回附近廠房。慢線有一輛私家車、新界的士及七人車，停下等候轉燈往大尾篤。
「睇住個人跣入車底」
此時姓周男途人（62歲），突然由的士車尾捐車罅橫過馬路，懷疑到附近工業邨上班，貨車收掣不及，車頭左邊倒後鏡撞倒周的頭部。傷者頭破血流，被撞拋飛6米，墮地跣入私家車車底，當場頭顱、右手、左腳重傷被困。貨車撞倒人後，衝前數米始能煞停。
現場多輛汽車司機及乘客見狀落車救人，合力抬起私家車車尾，拉出傷者報警。周送院其間陷於半昏迷痛苦呻吟，經搶救後情況危殆。
據貨車工人表示︰「全部都係兩秒間發生，睇住個人跣住飛入車底！」的士司機聲稱，事發時正與乘客閒談，不料突然有人在車外「飛過」，一度誤會餅店貨車有人拋出車外，事後才知有途人被餅店貨車撞至重傷。
汀角路車禍示意圖
