曾是Johnson戰友及生意夥伴的歌星張崇基，昨驚聞死訊趕赴醫院見最後一面。他指Johnson是令人懷念的朋友，說時不禁下淚。張稱讚Johnson熱愛滑水運動，不遺餘力推廣，最近瞓身發展纜索滑水場，無奈心願未了身先死。
信教後不再孩子氣
張崇基認識Johnson八年，一直惺惺相惜，「佢鍾意嗰樣嘢就好沉迷，落手落腳去搞，我都好服佢。」他表示，Johnson在泰國教潛水近10年，懂泰語，其學生有不少日本人，也諳日語，「Johnson不但語言天份高，口才都好了得，經常擔任比賽司儀。」
兩個月前，Johnson決志信仰基督，「有一次，同佢返教會，佢話教會歌好聽，唔係咁悶，去年聖誕節佢話要入教。」張形容Johnson信教後變得成熟，不再孩子氣，「佢以前都幾火爆，朋友叫佢做熱火漢子。」
Johnson之死令張百感交集，「覺得生命好脆弱，要珍惜，可以呼吸唔係必然，Johnson一生唔長，但佢影響好多人，我諗自己行到最後一步，究竟會唔會好似Johnson咁，得到咁多人支持？」
《蘋果》記者