鄧萃雯噚日接受商台節目錄音訪問，佢下月會開始拍無綫劇《金枝慾孽2》，預算拍到7月，期間推咗唔少宮廷戲。佢好感激當年戚其義發掘佢做奸角，《金2》佢做番如妃，但性格同第一輯有好大轉變，佢承認拍巡禮時係有斷背情節，但唔知到開劇會唔會有，佢話如果係推崇呢樣嘢佢就唔會拍，因為演員有社會責任，唔想世界亂上加亂。