踢得銀河艦隊，人工一定唔少，卡斯拿斯最近就花費180萬歐元（約1,750萬港元），喺馬德里市郊LaFinca買新屋，準備同主播女友莎拉同居，新屋鄰居就有摩連奴、C朗同施丹等，間大屋佔地480平方米，仲有個100平方米花園連泳池，兩口子肯定好開心。不過原來根據統計，巴塞嘅美斯已13次射破卡斯拿斯，卡斯拿斯唔好只理新屋防盜，做番好把關本份先好。