求驗客手記:史高斯紅到踢倫奧? - 求驗客

求驗客手記:史高斯紅到踢倫奧? - 求驗客

呢排英超大紅人史高斯(圖),重出江湖夠轟動,上場仲入埋波,幫曼聯擊敗保頓,認真傳奇!不過,史高斯嘅傳奇之旅仲有機會寫落去,據英國傳媒大膽預測,以「生薑頭」最近出色嘅表現,有機會打動英國隊領隊皮雅斯,選呢位37歲的中場踢倫奧。無論係曼聯定英格蘭球迷,相信冇人唔想見到碧咸、傑斯同史高斯一齊踢奧運,重溫那些年嘅黃金歲月。當然,幻想嚟啫,皮雅斯邊會選晒3個老鬼入去!