無綫農曆年由年廿九至初三會有派錢節目，幸運兒有機會得到6千蚊大利是，銀碼好吸引，噚日安德尊扮財神宣傳，喺龍年帶啲旺氣畀大家，沈卓盈就着到紅彤彤應節，佢身邊好多朋友都結咗婚，但佢仲係單身，不過佢一啲都唔客氣，今年繼續出擊𢭃利是，同時期望快啲有適婚對象出現，可以快啲搵到好人家出嫁。