嫁入豪門自己又搵到錢嘅「飛花」，老公俾佢食住，生埋B仔，真係唔怪得佢咁招積。飛花家就係名牌寵兒，但當年佢未入豪門，跟完一個又一個，雖然身為紅星，都一樣俾人嫌棄。關仁聽過唔少名流auntie講，有幾次慈善活動，大會請咗飛花嚟支持，啲名流紳士睇靚女，梗係無任歡迎，佢哋啲阿太就唔like啦，一來覺得影衰個慈善活動，二則怕啲老公會俾飛花黐上身，所以講明有飛花，要事先通知，佢哋唔准老公去之餘，自己分分鐘唔到。但係今時今日，飛花係正印，啲富豪阿太只係表面OK，其實都睇佢唔起，搞到飛花奶奶冇晒face，同飛花都係水溝油。
撰文：關仁