曾志偉噚日一身金色禮服，出席喺九龍灣舉行嘅麥當勞活動，志偉話嚟之前一早跟佛教團體去醫院，探啲患癌嘅小朋友。提到癌症，日前有傳羅慧娟胰臟癌病重入咗醫院，問志偉同娟妹熟唔熟？佢話：「都熟㗎，佢係一個好開朗有鬥志嘅人，相信佢一定面對到。」問到會唔會去醫院探娟妺？志偉就話要了解吓情況先再決定。