曼城前鋒巴洛迪利雖然腦殘，不過對動物就好有愛心。話說有一隻叫做溫比頓嘅流浪貓（圖）經常喺曼城訓練場出現，巴洛迪利對佢不知幾好，每日都要餵佢同埋睇吓佢有冇事先至安樂；而喺曼城停車場，佢仲有時會兼職做埋交通警，確保隊友唔好撞親溫比頓！據講，巴洛迪利仲有意收養溫比頓㖭！