銅鑼灣時代UA戲院將於2月1日結束營業，為紀念18年這段長時間，負責管理的娛藝院線有限公司副總經理黃韋琪表示，本月31日戲院最後一天營業，票價會劃一為18元，戲院方面不會舉行任何正式紀念活動，只會安排一班員工在散場後自發拍照留念。
保留票尾有着數
黃韋琪說：「嗰日去時代UA睇戲，全日都係收18蚊一張飛，到時應該仲做緊《逆戰》、《2012我愛香港喜上加囍》呢啲片。另外，憑時代UA票尾可以喺2月1號到3月31號，去其餘UA院線以優惠價45蚊買一張戲票，不過就唔適用於朗豪坊UA同VIPClub。」
時代UA戲院座落於銅鑼灣前身是霎東街電車廠的時代廣場內，自1994年以來見證該區興盛，而時代廣場門前的宏大露天廣場，是不少大型首映禮的舉行地方，出現過的巨星有劉德華、梁朝偉，還有韋史密夫（WillSmith）等荷李活影星亦到此一遊做宣傳。
《蘋果》記者