私駕路：鑽石啞白潮衣　好摸

好多車主農歷年前都帶愛驅打蠟洗白白，等它夠晒光亮閃令令出街拜年，不過今日這位主角卻反高潮披上近年大熱的啞白潮衣。收起車身漆面原有光芒的M-BenzCLS350AMG反而來得更耀眼，原廠滑滑啞白漆面還特別好手感，令靚女摸不停手。

記者：許維雅
攝影：伍慶泉
Model：Rika@ModelOne

原裝啞白加錢過萬元

正所謂「人靠衣裝」，其實車也要靠包裝，同一款車以不同顏色亮相，出來的視覺效果也可以截然不同。去年3月推出新款的四門四座房跑車CLS350，水貨引入了一部啞白色車身、紫心內櫳的罕見版本，令整體外觀的吸引度立刻提升不少。雖然搞不清楚是啞黑啞白車身的大熱潮流，還是物以罕為貴的虛榮心影響底下，總覺得啞白色車身有着一種獨特的魅力，剔走傳統光油亮面，換上滑溜磨砂面的白色，不單止令車側骨線、引擎蓋輪廓等凹凸線條更明顯，而視覺上亦令尺碼增至4,940×2,075×1,416mm長闊高的CLS感覺更輕盈細小。當然，滑溜磨砂漆油手工來自平治原廠噴漆，既不是貼膠紙貨色，亦不是街邊自家改裝貨，自然就多加幾分，一分錢一分貨，名為Metallicpaint-DiamondWhite的啞白色車身是要加錢的Options，未計稅約需580英鎊，約港幣$7,000左右。可能你覺得原價80幾萬車價的CLS350多加萬幾元只是濕濕碎，不過重點是即使你有錢都有排等，訂選此色起碼要等半年以上，不及水貨立刻揸走咁過癮。

■尾燈形態嬌媚，於白色車身襯托下更突出。

豪裝Options電視抗塞車

這部水貨CLS350最後埋單變成過百萬元，當然不單止加了啞白色Options咁小兒科，加入AMGSportspackage令傾斜C柱的流線車形更Cool更有跑味，配件包括車頭泵把擾流、車尾泵把及甚有SLS風格的一字形加圓形三星標記鬼面罩。除此之外，19吋星形金屬輪圈、後泊鏡頭、車尾玻璃的升降太陽簾擋、harman/kardonLOGIC7環迴音響系統、桃木襯真皮設計的三輻式軚環等等Options，通通都是用錢堆砌出來的豪裝。不過講到於行貨比較少見的Options，就是中控台屏幕加入TVTuner睇電視功能，由於以天線接收電視台，所以效果唔算穩定，行車時會自動熄畫面留聲，一停車就開番畀你睇，塞車都唔怕悶親。深紫色是今代CLS的新主打，加錢升級的軟熟真皮內櫳就選用了全新深紫色，驟眼看以為是黑色的深紫其實是茄子紫色，無黑色咁悶但又唔怕易弄污。備有一副有型跑Look亦需要性能配合，全新3.5公升V6引擎增強馬力至306匹，最窩心是高性能車亦着重環保，各節能科技協助下令油耗降低了25%。