家喺南半球係夏天，喺澳洲當然亦唔例外，好似喺星期一咁，氣溫就一度高達攝氏34度，唔怪得喺澳網首日嘅賽事，就已經有球迷因為中暑而暈倒。喺11號種籽阿根廷嘅迪樸度對法國馬拿連奴嘅男單首圈賽事中，就有一名女球迷（白衫）睇睇吓波頂唔順中咗暑，令比賽一度要暫停；不過，好彩迪樸度冇受到影響，最後順利以3:1反勝晉身次圈。