恭喜，恭喜！1月壽星傅家俊（Marco、圖）認真鴻運當頭，年初有英國桌球記者預測2012年桌球手走勢時，看好Marco可以重入世界排名第16位內；說時遲那時快，世界排名24嘅佢前日喺英國參加海口世界桌球公開賽最後一圈外圍賽對施特（MatthewSelt）時，就打出一桿147，總分5:2擊敗對手，殺入下月底嘅決賽周，仲有約6,000港元獎金。Marco對上一次打出147已經要追溯到00年嘅蘇格蘭大師賽，嘩！足足12年，唔怪得佢賽後喺微博寫住：「希望下一桿147唔使等咁耐。」點都好，最重要係呢個比賽係世界排名賽，上周滿34歲嘅Marco隨時可以喺比賽中，爭多啲世界排名分㖭。