今時唔同往日，以前做歌手不知幾風光，出出入入實有幾個人傍住。家唱片唔賣得，新人過得好寒酸㗎，好似二人組合「中國男女」，乜都一腳踢，最慘係「中國女」，借衫、梳頭、化妝自己做晒聯絡，佢經理人話要訓練佢獨立喎。中國女都算命苦，俾經理人蝦完，唱片公司宣傳又蝦佢，連雜誌報紙都叫佢負責買，話晒都叫歌手呀，好心咪當人阿嬸咁用啦。「中國男」都唔好得幾多，雖然唔使做打雜，但就似件附屬品，可有可無，試過影唱片封面漏咗通知佢，竟然是但用個卡通樣就算，後來有人覺得唔對路，得一個人樣，點叫做組合呀？咁唱片公司先加番張超細相落去咋。
撰文：關仁