【本報訊】意大利郵輪「協和號」在地中海擱淺翻側，一對香港警察夫婦與親友經歷驚險場面逃難，他們形容事發時一片混亂，船長更一度聲稱只是機件故障。一行六人幾經辛苦抵達羅馬後向中國駐意大利大使館求助，郤換來冷待：「我哋冇錢、冇食物，大使館職員竟然惡言相向，又要我哋自己畀錢辦證件，連影相都要收兩歐元，真係仆街到無倫。意大利政府、船公司已經夠衰，估唔到大使館仲衰！」他們昨致電《蘋果》求救，希望特區政府正視及協助。
在警隊任職的蔡女士透露，其姓劉姨甥女早前結婚，劉女與美籍丈夫邀請她與同在警隊工作的丈夫，以及一對姓羅夫婦同到意大利參加郵輪旅行，他們一行六人，除劉女丈夫持美國護照，其餘各人均持香港特區護照。劉女則表示，意外時他與丈夫在船艙房內，突然見酒杯、電視倒下，兩人意識到有事發生，即跑上甲板，「當時情況好亂，好多人走出嚟，大約20分鐘後，船長用意、法、英語同普通話廣播，話只係機件故障，可以返房，返房途中又有職員通知要排隊上甲板，嗰時好亂，啲客人四處亂跑，但係冇職員指示方向」。
劉女夫婦其後迫上了一艘救生艇，但可笑的是上船後竟無人懂開船，「救生艇喺甲板對上十幾米左搖右擺，最終唔係放落海，係放番落甲板，我哋六個人喺甲板重遇，一齊逃生，由四樓游繩至二樓時，郵輪已經45度傾斜，我哋見一艘救援船駛近，六個人決定博一博，由大約兩層樓高位置跳落救生艇，好彩大家都冇乜傷」。
獲救後六人彷如隔世，但由於財物全部留在郵輪，衣衫盡濕，「救生艇送我哋上一個小島，但上岸後又冇指示、冇食物、冇熱水，我哋跟人群走到一間酒店，坐到天光後，好似盲流咁又上咗另一艘船，第二日下午先送到羅馬一間酒店，但意大利政府、郵輪公司完全冇作出指示安排，令人失望」。
遭中國大使館職員留難
他們其後致電中國大使館求助，蔡表示「我哋冇錢亦冇財物，打電話畀使館叫佢哋到酒店接我哋，職員居然話冇咁服務，我哋搭的士去要70歐元（約689港元），幾經辛苦先籌到錢，到咗大使館，職員叫我哋打電話返香港叫親友滙錢過嚟，連影相費都要收兩歐元，每人辦證費要自付59歐元，我哋財物全部喺沉船內，好彩其中一人仲有錢先至應付到」。更令他們氣結的是，辦完證後，他們被職員趕走：「職員話大使要招呼客人，要我哋由後門走，過對面馬路截車，有冇搞錯，我哋係災民，佢哋都唔幫」。蔡稱曾致電回港尋求入境處協助，但成效不大，「我哋家最需要係錢」，她與丈夫今日會先行回港，而姨生女及丈夫則仍滯留當地。
