楊采妮（Charlie）昨日在奧海城出席新年活動，她透露新一年終於實現到她的導演夢，她說：「套戲叫《聖誕玫瑰》，第一次做導演，想多啲時間準備，劇本構思三年都唔係好耐，我聽過有啲劇本要7、8年先開拍，係講關於希望。」
追梁詠琪利是
Charlie續說：「徐克同張之亮會幫手做監製，佢哋影響我好大，徐克同我合作咗四部戲，我當佢哋係老師，套戲會喺香港、內地同澳門拍。」她表示稍後才能透露演員卡士，但都是收友情價。
提到農曆新年，Charlie透露會返台灣度過，她說：「係每年嘅習慣，返台灣探外婆，今年GiGi（梁詠琪）第一年派利是，我一定會追佢封大利是。」
採訪、攝影：顏英儀