天業節水（840）受惠雙重國策，係時候昅昅。呢期市場埋身農業股，連上星期見報冷嘢中國農業（149）都郁郁吓，皆因市場相信祖國嘅一號文件，仍然以農業科技等扶農措施做主題。天業主打節水灌溉系統，可以受惠扶農政策。再講，阿爺支持水利、環保，又喺「十二．五」期間，計劃投放1.8億銀人仔，進行水利投資，兼力爭喺2015年時，高效節水灌溉面積達1億畝目標。天業行頭，亦都受惠阿爺節水環保國策，嚟緊日子，長做長有，PE有調降空間。再講，天業NAV1.62元，現價（1.18元）NAV折讓29%，相對同行節水板塊2倍、3倍P/B，平咗一大截。買天業節水，博上番NAV，現價要升40%，目標價P/B得1倍，仍然平過同業好多好多。
亞太資源可攻可守
亞太資源（1104）對上星期公佈，話接納要約人提出收購集團揸住嘅礦產Kalahari股份。呢壇製作若果順順利利，可以為集團套現高達9.8億銀現金，到時，集團淨現金上到10億銀，變身超級現金牛，攻守皆能。呢轉有消息面跟尾，短打亞太資源，博升20%到0.45元，集團亦未有耐升到上NAV0.74元。
錢雋