「咁多年來因為吸毒，乜都做唔到，比賽後學識接納自己，建立返自信，好大轉變，知道做人係有希望」。15歲便吸毒的胡仲文，去年加入曙光足球隊，代表香港到巴黎踢無家者世界盃，回來後重拾自信及尊嚴，發奮攻讀社工課程，稍後更會報讀副學士，希望報答社會給他的支持。
學識如何與人相處
現年25歲的仲文，之前最遠只去過澳門，參賽時才首次搭飛機。「以前做人好冇尊嚴，又偷屋企人錢，一事無成」。他兩年前入戒毒所後才學踢波，看過電影《流浪漢世界盃》後，被當中「擺脫做一天鹹魚就係一世鹹魚」的理念打動，之後獲社工推薦入隊，司職後衞。
參賽期間令他大開眼界，「初時完全唔知出面世界係點，好緊張，踢波學識點同人相處，我希望過返一啲正常生活」。他現以過來人身份輔導戒毒人士，「好希望香港成功申辦賽事，因為賽事唔單止鼓勵參賽者，亦鼓勵所有人」。
06年往南非參賽的陳雲成，一度是病態賭徒，曾在深水埗區露宿，參賽後對人生大為改觀，「成績唔係太重要，最重要係明白人生總會有出路，有明天」。《蘋果》記者