林峯憑《Chok》一曲在《勁歌》頒獎禮奪金曲金獎，連自己人李思捷都暗寸他攞獎是夾硬嚟。前晚林峯與思捷一同到廣州做節目，林峯與台上眾嘉賓握手及抱抱，偏偏沒走近福祿壽，擺明避之則吉。而昨日有網友將熱爆歌《年少無知》改寫成《連笑無恥》勁寸林峯。
無綫與廣東電視台合製的節目《龍騰賀歲萬家歡》前晚錄影，無綫派出林峯、徐子珊、阮兆祥、王祖藍和李思捷等藝人撐場，還有李克勤及林子祥等歌手出席。
開場時，林峯在台上與現場嘉賓逐一握手，但沒與福祿壽交流，似是因早前思捷暗寸他夾硬贏獎，而有所避忌。
感激憶蓮讚賞
林峯受訪時談到被思捷暗寸，他說：「都明嘅，我哋係做娛樂事業，都係entertain人，唔過火位就得，冇乜嘢。」對於歌神張學友早前指香港樂壇已死，林峯說：「佢邊有咁講？好多時報道只抽一、兩句出嚟，之前林憶蓮話我係全能藝人，好多謝佢，希望大家畀我做我識做嘅嘢。」跳到大汗淋漓的林峯，對於在台上演唱《Chok》時下體現形，他尷尬說：「條褲好窄，跳嗰時都驚爆呔。」
歌詞句句啜核
另外，林峯憑《Chok》攞金曲金獎，令不少網民戥熱爆歌《年少無知》無獎不值，昨日有網友將《少》改詞變成《連笑無恥》，第一句歌詞寫道：「林少得獎，憑chok呃獎。」之後還暗示勁歌造數：「年尾金獎，無法鼓掌，金曲頒獎不會冇，無記至恐佈。」歌詞句句有骨。
採訪、攝影：曾小嘉
《連笑無恥》部份歌詞
林少得獎，憑chok呃獎，
甘心安於封建制度裏，無記愛他乜馬也造到，
儍笑得獎，含了金獎，
不惜犧牲一切去造數，權貴的想法冇用腦，
只可惜頒令是一堆奏摺，只可惜編導是必須妥協。
無恥，電視台好雜，望住金獎你會話膠質，我話咁Q假，
無恥，陸二零狡猾，令勁歌觀眾冇力餐餐接受皇后的糟蹋。
含笑得獎，儍過香腸，
不需爭執不會有被告，遊戲競爭不會理投訴，
年尾金獎，無法鼓掌，
金曲頒獎不會冇，無記至恐怖。